SNURA AKUBALI YAISHE,AJITETEA KUFUNGIWA WIMBO WAKE..

Mwimbaji wa nyimbo za Mduara nchini Snura Mushi ameomba radhi kwa umma wa Watanzania kwa kosa la kutengeneza, kuzindua na kuweka mitandaoni, video ambayo imefungiwa jana na Serikali kupitia Wizara ya Habari, utamaduni, sanaa na Michezo kutokana na ukiukwaji wa maadili ndani ya wimbo huo na video yake.

Akizungumza na waandishi wa habari, Jijini Dar es Salaam Snura ameomba radhi kwa mashabiki wake na watanzania wote akisema wakati wa utayarishaji wa video hiyo hakutambua kama ingepokewa tofauti, hivyo atafanya jitihada za kuhakikisha anauboresha zaidi.

Naye meneja wake alizungumzia utetezi huo akiomba watanzania kuwasamehe yeye pamoja na msanii huyo, kwani sasa wamejifunza ikiwepo kupata usajili wa BASATA utakaomwezesha kufanya kazi zake kwa huru.