TANZANIA YAFANYA KWELI TUZO ZA KIMATAIFA ZA DSTV EUTELSAT STAR, MWANAFUZI ABEBA TUZO UGANDA

Tanzania imevunja rikodi kwenye Tuzo za kimataifa za wanafuzi zijulikanazo kama DStv Eutelsat Star Awards baada ya  mwanafunzi Taher Rasheed kutoka shule ya  Al-Madrasat Us-saifiyatul Burhaniyah ya Dar es salaam kushinda nafasi ya kwanza katika category ya poster(bango) baada ya mchuano mkali na mamia ya wanafunzi kutoka nchi zaidi ya 10 kote barani Afrika. 

Kwa upande wa insha mshindi alikuwa Amos Mumbere kutoka shule ya Ntare nchini Uganda

Tuzo hizi ambazo zinahusisha uandishi wa insha maalum au kuandaa bango vyenye ujumbe kuhusiana na elimu ya anga hususan Setelait ni za wazi kwa wanafunzi wote wa shule za sekondari wenye umri kati ya miaka 14 – 19 kote barani Afrika ambapo kampuni ya MultiChoice inaendesha shughuli zake.

Mwaka huu, washindani walitakiwa kuandika insha au kubuni bango kuhusu manufaa yaliyoletwa na uvumbuzi wa setelaiti katika maisha ya kila siku hapa ulimwenguni na ni jinsi gani setelait imekuwa kama kiungo muhimu kwa shughuli zote zinazofanyika kote duniani.

Taher alitangazwa rasmi jana jioni jijini Kampala nchini Uganda ambapo jopo la watahini maarufu lilikaa na kupitia kazi za wanafunzi kutoka nchi mbalimbali za Afrika. Jopo hilo liliongozwa na Paolo Nespoli, mwanaanga nguli kutoka European Space Agency (ESA).

Akiongea baada ya kupokea habari hizo za ushindi, Taher amesema amefurahi sana kwa ushindi huo mkubwa ambao umemletea yeye, shule yake na taifa zima kwa ujumla sifa kubwa. “Nimefurahi sana kupokea taarifa hizi nzuri. Naamini ushindi wangu utakuwa ni chachu kubwa kwa wanafunzi wenzangu kote nchini kujitokeza kwa wingi na kushiriki katika tuzo kama hizi na mashindano mengine ya kitaaluma ya ndani na nje ya nchi,” alisema Taher.

Naye, Mkurugenzi Mtendaji wa MultiChoice Tanzania Maharage Chande amesema wamefurahishwa sana na ushindi huo wa Tanzania katika mashindano hayo muhimu ya kitaaluma ya kimataifa. 

Chance amesema kuwa tuzo hizo zimeanzishwa kwa pamoja na MultiChoice Afrika na kituo cha anga cha Eutelsat huko Ufaransa kwa madhumuni makubwa ya kuwajengea wanafunzi ari ya kushiriki katika masomo ya sayansi na pia kuhamasisha ubunifu na ugunduzi katika tasnia ya sayansi. 

18:57

No comments

Read more »

RAIS MAGUFULI AMSIFU RAIS MSTAAFU AWAMU YA NNE JAKAYA KIKWETE BAADA YA UZINDUZI WA TAASISI YA JAKAYA MRISHO KIKWETE FOUNDATION

Rais  Dkt.John Pombe Magufuli­­ amemwagia sifa kemkem Rais Mstaafu wa awamu ya nne, Dkt. Jakaya Mrisho Kikwete, wakati wa uzinduzi wa taasisi ya Jakaya Mrisho Kikwete Foundation (JMKF), Ikulu jijini Dar es Salaam.

Dkt. Magufulu alisema, Rais mstaafu Kikete, amefanya mambo mengi makubwa nchini, katika nyadhifa mbalimbali alizoshikaserikalini na kwenye Chama Cha Mapinduzi (CCM).

“Mheshimiwa Kikwete, umefanya mambo makubwa kwa faida ya nchi yetu, katika nafasi mbalimbali ulizoshika ikiwemo kwenye chama, Jeshini, na hata ulipokuwa Rais, kwakweli unastahili pongezi nyingi”Alisema Rais Mahgufuli katika hotuba yake.

Alisema, Dkt. Kikwete ameimarisha uchumi wa nchi, kujenga demokrasia lakini pia kujenga mahusiano mema na nchi za nje.

“Hata mimi urais wangu kwa miasi kikubwa umetokana na msimamo wako, kwakweli ulinibeba na mimi nitakubeba sintakuangusha” alisema.

Awali akielezea madhumuni ya taaisi hiyo, iliyoanzishwa Februari mwaka 2017, Dkt. Kikwete ambaye ndiye mwenyekiti, alisema, ni pamoja na kuleta mageuzi katika maisha ya watu hapa nchini Tanzania na kwingineko katika Afrika kwa kutoa majawabu yenye ubunifu, ya kweli kweli na endelevu kwa changamoto zinazowakabili wananchi

“Lakini pia dhima ya taaisi ni kushirikiana na serikali na wadau wengine katika kuleta mageuzi ya kimaendeleo katika katika ubora wa maisha ya watu katika Tanzania na kwingienko.” Alisema Dkt. Kikwete.

Akieleza zaidi Rais huyo mstaafu alisema, taaisi hiyo inalenga kufanya kazi katika Tanzania na Bara la Afrika (Pan Africa).

 

09:08

No comments

Read more »

BAYERN MUNICH WATINGA NUSU FAINALI UEFA

Licha ya kulazimishwa sare ya 0-0 leo kwenye Uwanja wa Allianz Arena, Bayern Munich imesonga mbele mpaka hatua ya nusu fainali ya Ligi ya Mabingwa Ulaya kwa ushindi wa jumla ya mabao 2-1 dhidi Sevilla.

Katika mchezo wa kwanza uliofanyika nchini Spain, Bayern iliibuka na ushindi wa mabao 2-1 na leo mechi ya marudiano imemalizika kwa suluhu ya kutofungana.

08:49

No comments

Read more »

KAMBALE AWA KIBOKO KWA YANGA

Mabingwa watetezi wa Ligi Kuu Bara, Young Africans wameshindwa kutamba katika Uwanja wake wa nyumbani baada ya kulazimishwa sare ya bao 1-1 na Singida United jioni hii.

Singida United ndiyo walikuwa wa kwanza kupachika bao katika dakika ya pili tu ya mchezo kupitia kwa Kambale Salita.

Zikiwa zimeongezwa dakika 3 kuelekea mapumziko, Yanga walisawazisha bao hilo kupitia mpira wa adhabu ya kona uliopigwa na Ibrahim Ajibu na kumkuta beki Abdallah Shaibu ambaye bila ajizi aliutia kimiani kwa kichwa.

Matokeo hayo yanakuwa yanaipa msala Yanga ambayo imerejesha tena pengo la utofauti wa alama 5 kati yake na Simba iliyo kileleni kwa kuwa na pointi 52.

Utofauti wa alama hizo unaiweka Yanga katika mazingira magumu ya mbio za kuwania ubingwa wa ligi kati yake na Simba ambayo ina njaa ya kutouchukua kwa takribani miaka mitano sasa. 

Sare hiyo imeifanya Yanga kujiongezea alama moja pekee kwa kufikisha 47, kwenye nafasi ya pili ya msimamo wa ligi.

08:46

No comments

Read more »

DC ILALA AWATAKA WAJASIRIAMALI WANAWAKE KUJIUNGA NA JUKWAA LA WANAWAKE

Ofisa Tarafa wa Kata ya Kariakoo Christina Kalekezi kwa niaba ya Mkuu wa Wilaya ya Ilala Sophia Mjema akikata utepe kuashiria uzinduzi wa Kikundi cha Wajasiriamali cha Mshikamano Mchikichini Sokoni katika hafla iliyofanyika Ukumbi wa Chama Cha Mapinduzi wa Wilaya ya Ilala Dar es Salaam jana. Kutoka kulia ni Katibu wa Kikundi hicho, Juliana Richard, Mwenyekiti, Anjela Mwamakula na aliyevaa miwani ni Mkurugenzi Mtendaji wa Shirika la Equality for Growth (EfG), Jane Magigita.

Wanachama wa Kikundi cha Mshikamano Mchikichini Sokoni wakiwa kwenye uzinduzi wa kikundi chao.

Hapa wakiserebuka.

Mwenyekiti wa Soko la Mchikichini-Ilala Jumanne Kongogo akizungumza kwenye uzinduzi huo.

Uzinduzi ukiendelea.

Wakiimba na kucheza katika uzinduzi huo.

Mwenyekiti wa Kikundi hicho, Anjela Mwamakula akisoma taarifa ya kikundi mbele ya mgeni rasmi.

Makofi yakipigwa.

Umakini katika uzinduzi huo.

Katibu wa Kikundi, Juliana Richard akimkabidhi mgeni rasmi risala yao.

Mkurugenzi wa Shirika la EfG, Jane Magigita akizungumza katika uzinduzi huo.

Ofisa Tarafa wa Kata ya Kariakoo Christina Kalekezi kwa niaba ya Mkuu wa Wilaya ya Ilala Sophia Mjema akihutubia wakati akizindua kikundi hicho.

Mkurugenzi wa Shirika la EfG, Jane Magigita akionesha cheti cha kikundi hicho baada ya kuzinduliwa.

Mwenyekiti wa kikundi hicho, Anjela Mwamakula na Katibu wake Juliana Richard (kulia), wakionesha cheti.

Mwakilishi wa Ofisa Maendeleo ya Jamii Manispaa ya Ilala, Regina Ng'ongolo, akizungumza.

Ofisa Ushirika Manispaa ya Ilala, Donald Kibhuti akizungumza machache kwenye uzinduzi huo.

Ofisa kutoka ofisi ya Sheria na Msajili Msaidizi wa Wizara ya Mambo ya Ndani ya Nchi, Geofrey Mlagala, akizungumza.

Mlezi wa Kikundi hicho, Betty Mtewele akizungumza.

Zawadi zikitolewa kwa mgeni rasmi.

Mjasiriamali Godliver Massawe (kulia), akimuonesha mgeni rasmi bidhaa mbalimbali zinazotengenezwa na wanawake hao.

Picha ya pamoja na mgeni rasmi

WANAWAKE Wajasiriamali wametakiwa kujiunga na Jukwaa la Wanawake ili kujiinua kiuchumi.

Mwito huo umetolewa na Ofisa Tarafa wa Kata ya Kariakoo Christina Kalekezi kwa niaba ya Mkuu wa Wilaya ya Ilala Sophia Mjema wakati akizindua kikundi cha wajasiriamali cha Mshikamano Mchikichini Sokoni katika hafla iliyofanyika Ukumbi wa Chama Cha Mapinduzi wa Wilaya ya Ilala Dar es Salaam jana.

Katika hatua nyingine Kalekezi amewataka wanawake hao kuacha unafiki na kupendana jambo litakalowasaidia kusonga mbele kwenye umoja wao huo.

Alisema Dunia imeanzisha Jukwaa la Wanawake ambapo wanawake watakuwa wakukutana kujadili changamoto walizo nazo na jinsi ya kuzikabili pamoja na kuangalia fursa mbalimbali za maendeleo.

"Jukwaa ili na sisi linatuhusu hivyo hatuna budi kujiunga nalo kwani huko tutapata wataalamu waliobobea katika masuala mbalimbali pamoja na biashara hivyo ni vizuri tukalichangamkia" alisema Kalekezi.

Mkurugenzi Mtendaji wa Shirika la Equality fo Growth (EfG) Jane Magigita alisema wakati huu si wakulala bali ni wakuangalia fursa nyingine ili kujikomboa kiuchumi.

Alisema Serikali imeweka mazingira mazuri hivyo ni wajibu wa kila mmoja wetu kupambana vilivyo ili kujikwamua kiuchumi kupitia vikundi.

Mkurugenzi huyo ambaye kupitia shirika analoliongoza la EfG amekuwa chachu kubwa ya maendeleo kwa wanawake alisema hivi sasa kwa Dar es Salaam semina zimekwisha badala yake wanakwenda katika mikoa nane ambapo wataanzisha kampeni ya uhamasishaji kupinga ukatili wa kijinsia masokoni ambapo wasaidizi wa kisheria waliopata mafunzo kutoka shirika hilo ndio watakao kuwa wahamasishaji wakubwa.

"Sasa hatutakuwa tena na semina tunakwenda kufanya uhamasishaji mkubwa mkoani tutakuwa na basi letu maalumu katika kampeni hiyo" alisema Magigita.

Katibu wa kikundi hicho, Juliana Richard wakati akisoma risala kwa mgeni rasmi alisema changamoto yao kubwa ni miundombinu mibovu katika soko lao la mchikichini na mikopo wanayokopa kuwa na riba kubwa.

Alisema kikundi hicho kwa sasa kinamtaji wa sh.milioni 11 lakini lengo lao kwa kiasi cha chini kuwa na sh.milioni 70.

Ofisa kutoka ofisi ya Sheria na Msajili Msaidizi wa Wizara ya Mambo ya Ndani ya Nchi, Geofrey Mlagala alisema wanawake ambao wapo tayari kuanzisha vikundi vyao milango ipo wazi na watasaidiwa kuelekezwa namna ya kuvifungua.

08:42

No comments

Read more »