BREAKING

Monday, 1 January 2024

KINANA ASHAURI WANANCHI WAPEWE NAFASI KUAMUA YANAYOHUSU MAENDELEO YAO.










MAKAMU Mwenyekiti wa Chama Cha Mapinduzi (CCM) Tanzania Bara, Abdulurhman Kinana amesema ipo haja ya kutoa fursa zaidi kwa wananchi kujiamulia mambo yanayohusu maendeleo yao.

Amesema huenda haifanyiki sawa kutowapa wananchi fursa kubwa ya kuamua mambo yanayohusu maendeleo yao, jambo ambalo linasababisha kutofikia ufumbuzi wa baadhi ya changamoto katika vitongoni, vijiji au mitaa.

Kinana ametoa ushauri huo leo Januari 1, 2024 alipokuwa akizungumza na wanachama wa CCM na wanachi wa Jimbo la Mtama mkoani Lindi baada ya kuzindua Shina la CCM Majengo Sokoni.

Kinana amesema wananchi ndio wanaojua changamoto na mahitaji yao katika ngazi ya kijiji, mtaa au kitongoji, hivyo ni vyema wakahusika moja kwa moja katika kujipangia maendeleo.

"Kiongozi unaweza ukaenda mahali na fikra zako mwenyewe ukifikiri shida ya watu ni shule, ni maji kumbe shida yao ni jambo jingine kabisa, hivyo ni lazima tuwashirikishe wananchi katika mambo yanayohusu maendeleo yao," amesisitiza.

Kauli ya Kinana imetokana na ombi la Mbunge wa Mtama, Nape Nnauye aliyekiomba Chama kutazama uwezekano wa kuruhusu kutanua vijiji na vitongoni hususan katika maeneo ambayo kiutawala yamezidiwa kutokana na ukubwa wa eneo na wingi wa wananchi, hivyo yaruhusiwe kugawanywa.

DKT .MWINYI AONGOZA MATEMBEZI YA TAMASHA LA KITAIFA LA MAZOEZI










WANANCHI wa mitaa ya Amani Unguja wakimsalimia Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi wakati akiongoza matembezi ya Tamasha la Kitaifa la mazoezi ya Viungo, lililoazia katika viwanja vya Mapinduzi Square Michezani Wilaya ya Mjini Unguja na kumalizikia katika Uwanja wa New Amaan Complex Zanzibar kwa mazoezi ya pamoja ya viungo yaliyofanyika leo 1-1-2024

DKT. BITEKO AKUTANA NA WAZEE NA VIONGOZI WA DINI WILAYANI BUKOMBE








📌 Awashukuru kwa ushirikiano mkubwa wanaompatia

📌 Awaasa kukemea vitendo viovu katika jamii

📌 Wazee na Viongozi wa Dini wampongeza

NA Mwandishi wetu Ofisi ya Naibu Waziri Mkuu..

Naibu Waziri Mkuu na Waziri wa Nishati, Mhe. Dkt. Doto Biteko amekutana na kufanya mazungumzo na viongozi wa dini kutoka madhehebu mbalimbali wilayani Bukombe pamoja na Wazee wa wilaya hiyo, katika mkutano uliolenga kubadilishana mawazo na kumshukuru Mungu kwa mwaka 2023.

Mkutano huo umefanyika tarehe 31 Desemba 2023, Ushirombo wilayani Bukombe mkoani Geita na kuhudhuriwa na viongozi mbalimbali wa Chama cha Mapinduzi na Serikali wakiongozwa na Mkuu wa Wilaya ya Mbogwe, Sakina Mohamed ambaye kwa sasa anakaimu nafasi ya Ukuu wa Wilaya ya Bukombe.

“Mimi pamoja na wenzangu serikalini tunawashukuru sana wazee na viongozi wa dini wa Bukombe kwa ushirikiano mkubwa mnaotoa kwetu, leo nimeona tupate nafasi ya kumshukuru Mungu pamoja na ninyi  na kubadilisha mawazo kwani hakuna kiongozi anayeweza kufanya jambo  lolote bila kushirikishana na wenzake, ninyi mmeona mengi kuliko mimi, mnafahamu mengi, mnajua mengi, uelewa wenu ni mkubwa na pia mnakaa na jamii muda wote hivyo mnafahamu wapi turekebishe ili tutengeneze Bukombe bora zaidi.” Amesema Dkt. Biteko

Ili kuwa na jamii iliyo bora, Dkt. Biteko amewaasa viongozi hao wa dini na wazee kuendelea kukemea matendo mabaya pale wanapoyaona, tena bila kuyaonea aibu  kwani ni watu wanaoheshimika katika jamii na ujumbe kutoka kwao unawafikia watu wengi.

Pamoja na kueleza  utekelezaji wa miradi mbalimbali ya maendeleo wilayani Bukombe ikiwemo Shule, Vituo vya Afya, Hospitali, usambazaji umeme na barabara, Dkt. Biteko  amesema kuwa, changamoto zozote ambazo bado zipo wilayani humo zitatatuliwa ili Bukombe iweze kuwa bora zaidi. 

Katika mwaka 2024, Dkt. Biteko ametoa ujumbe wa watu  wa makundi yote kupendana na kusameheana na kwamba Serikali itaendelea kuhakikisha inatoa huduma bora kwa wananchi ili watoto wasome kwenye shule nzuri, wananchi watumie barabara nzuri, wahudumiwe katika zahanati, kituo cha afya na  hospitali nzuri, wapatiwe huduma ya umeme na maji hali itakayofanya pia watu kupenda maeneo walikotoka.

Kwa nyakati tofauti katika mkutano huo, Wazee wa Bukombe walipata fursa ya kutoa maoni yao kuhusu maeneo ambayo wanaona kuwa yanahitaji uboreshaji na pia walimpongeza Dkt. Biteko kwa kuwapa nafasi za kuwasikiliza na kutoa ufafanuzi wa hatua mbalimbali ambazo Serikali inachukua ili kuboresha huduma kwa wananchi

Saturday, 11 November 2023

PAHALA FULANI KWA WATU FULANI TONYTOX GARDEN- NDANI YA KIGAMBONI...
















 

Wednesday, 25 October 2023

RAIS DKT .SAMIA SULUHU HASSAN AWASILI IKULU -ZAMBIA





Rais wa Jamhuri ya Muungano wa Tanzania Mhe. Samia Suluhu Hassan akiwa kwenye picha ya pamoja na mwenyeji wake Rais wa Zambia Mhe. Hakainde Hichilema mara baada ya kuwasili Ikulu ya Lusaka nchini Zambia tarehe 25 Oktoba, 2025









 

TAWA YAFADHILI MRADI WA UJENZI WA MADARASA KALIUA, WANAFUNZI WAELEZA HISIA ZAO.







SERIKALI kupitia Mamlaka ya Usimamizi wa Wanyamapori Tanzania (TAWA) imefadhili mradi wa ujenzi wa vyumba vya madarasa mawili, ofisi moja ya walimu na jumla ya madawati 30 katika shule ya msingi Usinge iliyopo wilaya ya kaliua Mkoani Tabora

Mradi huu ambao tayari umekwishakamilika na kuanza kutumika umegharimu kiasi cha Tsh. Millioni 50 (50,000,000/=) ambazo ni fedha zinazotokana na bajeti ya ndani ya Mamlaka ya Usimamizi wa Wanyamapori Tanzania - TAWA

Akiongea na waandishi wa habari katika ziara ya ukaguzi wa mradi huo wa maendeleo kwa jamii Oktoba 24, 2023 Afisa habari wa TAWA Beatus Maganja ameeleza kuwa TAWA iliona adha wanazozipata wanafunzi wa Shule ya msingi Usinge kwa kukosa madarasa ya kutosha, ofisi ya walimu pamoja na madawati hivyo ikaona vyema kufadhili mradi huo ili kuwapunguzia adha hizo na kuwapa fursa wananchi kuona faida zitokanazo na shughuli za uhifadhi na  umuhimu wa uwepo wa Taasisi hiyo katika maeneo yao 

"Ifahamike kuwa changamoto  kubwa katika vijiji vinavyozunguka hifadhi ni kwamba shule nyingi zinakosa madarasa na madawati ya kutosha lakini pia wanakosa nyenzo mbalimbali za kuwawezesha wao kuweza kusoma katika mazingira bora" amesema

"..kwahiyo Mamlaka ya Usimamizi wa Wanyamapori Tanzania iliona vyema kufadhili miradi hii ili kuwawezesha wananchi wanaozunguka maeneo haya kufaidi rasilimali hizi za Wanyamapori na uhifadhi kwa ujumla" ameongeza

Salma Madua Ally ambaye ni mwanafunzi wa darasa la sita katika shule hiyo amemshukuru Rais wa Jamhuri ya Muungano wa Tanzania Mhe. Dr. Samia Suluhu Hassan na Taasisi ya TAWA kwa ufadhili huo  ambao ameuelezea kama ni msaada mkubwa kwao ambao hawakuutegemea kwani umepelekea kuongeza uwezo wao wa uelewa na ufaulu darasani

"Nawashukuru wasimamizi wa Wanyamapori Tanzania TAWA pia tunamshukuru Rais Samia Suluhu Hassan kwa kutuletea madarasa ambayo hatukutegemea kuwa nayo, pia madarasa haya yametufanya tuweze kuwa tunafaulu na kuwa tunaelewa vizuri" amesema

"...Kipindi cha nyuma tulikuwa tunakaa darasa moja watu wengi, tulikuwa hatuwezi kuelewa kwa urahisi lakini saizi tumegawanyishwa madarasa" ameongeza

Naye Joseph Paulo mwanafunzi wa Shule hiyo ameeleza kuwa kabla ya ujenzi wa madarasa  na kufadhiliwa madawati hayo walikuwa wakikaa chini huku wanafunzi wachache wakikalia madawati hali ambayo ilifanya  nguo zao zichafuke na kukosa umakini darasani, lakini kwa sasa wote wanakaa  kwenye madawati na kusomea kwenye vyumba vizuri vya madarasa

Kwa upande wake, Mwalimu Mkuu wa Shule hiyo, Bw. Ibrahimu Bakari Juma ameeleza kuwa shule ya Usinge ilikuwa na uhaba wa vyumba sita vya madarasa pamoja na madawati 90 hivyo ufadhili huo uliotolewa na Serikali kupitia TAWA umewezesha idadi ya wanafunzi 90 kukaa kwenye madawati

Aidha ameishukuru Serikali ya Jamhuri ya Muungano wa Tanzania inayoongozwa na Dr. Samia Suluhu Hassan lakini pia ameelekeza pongezi na shukrani zake kwa Mamlaka ya Usimamizi wa Wanyamapori Tanzania - TAWA kwa ufadhili huo

 
Copyright © 2016 Shamakala
Designed by Switch International | SHAMAKALA 360
    Twitter Facebook Google Plus Vimeo Videosmall Flickr YouTube