BREAKING

Tuesday, 2 January 2024

KINANA AWASILI RUANGWA, AHUTUBIA MKUTANO MKUU WA CCM WILAYANI HUMO.

MAKAMU Mwenyekiti wa Chama Cha Mapinduzi (CCM) Tanzania Bara, Abdulrahman Kinana akiwa ameambatana na Waziri Mkuu Kassim Majaliwa, ambaye pia ni Mbunge wa Ruangwa, Kassim Majaliwa na Mke wa Waziri Mkuu Mama Mary Majaliwa, Mwenyekiti wa CCM Mkoa wa Lindi, Hassan Jarifu, wakiwa na viongozi, wanachama wa CCM na wananchi wakienda katika Uwanja wa Likangala mjini Ruangwa kuhudhuria Mkutano Mkuu wa CCM Wilaya ya Ruangwa. 









MAKAMU Mwenyekiti wa Chama Cha Mapinduzi (CCM), Abdulrahman Kinana amewasili wilayani Ruangwa kwa ziara ya kikakazi ambapo pamoja na mambo mengine atakuwa mgeni rasmi katika Mkutano Mkuu wa Chama wa wilaya hiyo.

Kinana amewasili wilayani humo leo Januari 1, 2024 akiambatana na viongozi mbalimbali wa Chama wakiwemo baadhi ya wajumbe wa Halmashauri Kuu ya Taifa (NEC).

Akiwa wilayani humo kesho atakuwa mgeni rasmi katika Mkutano Mkuu wa CCM Wilaya ya Ruangwa ambao pia utahudhuriwa na Waziri Mkuu Kassim Majaliwa ambaye ni mbunge wa Ruangwa.

Monday, 1 January 2024

KINANA ASHAURI WANANCHI WAPEWE NAFASI KUAMUA YANAYOHUSU MAENDELEO YAO.










MAKAMU Mwenyekiti wa Chama Cha Mapinduzi (CCM) Tanzania Bara, Abdulurhman Kinana amesema ipo haja ya kutoa fursa zaidi kwa wananchi kujiamulia mambo yanayohusu maendeleo yao.

Amesema huenda haifanyiki sawa kutowapa wananchi fursa kubwa ya kuamua mambo yanayohusu maendeleo yao, jambo ambalo linasababisha kutofikia ufumbuzi wa baadhi ya changamoto katika vitongoni, vijiji au mitaa.

Kinana ametoa ushauri huo leo Januari 1, 2024 alipokuwa akizungumza na wanachama wa CCM na wanachi wa Jimbo la Mtama mkoani Lindi baada ya kuzindua Shina la CCM Majengo Sokoni.

Kinana amesema wananchi ndio wanaojua changamoto na mahitaji yao katika ngazi ya kijiji, mtaa au kitongoji, hivyo ni vyema wakahusika moja kwa moja katika kujipangia maendeleo.

"Kiongozi unaweza ukaenda mahali na fikra zako mwenyewe ukifikiri shida ya watu ni shule, ni maji kumbe shida yao ni jambo jingine kabisa, hivyo ni lazima tuwashirikishe wananchi katika mambo yanayohusu maendeleo yao," amesisitiza.

Kauli ya Kinana imetokana na ombi la Mbunge wa Mtama, Nape Nnauye aliyekiomba Chama kutazama uwezekano wa kuruhusu kutanua vijiji na vitongoni hususan katika maeneo ambayo kiutawala yamezidiwa kutokana na ukubwa wa eneo na wingi wa wananchi, hivyo yaruhusiwe kugawanywa.

DKT .MWINYI AONGOZA MATEMBEZI YA TAMASHA LA KITAIFA LA MAZOEZI










WANANCHI wa mitaa ya Amani Unguja wakimsalimia Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi wakati akiongoza matembezi ya Tamasha la Kitaifa la mazoezi ya Viungo, lililoazia katika viwanja vya Mapinduzi Square Michezani Wilaya ya Mjini Unguja na kumalizikia katika Uwanja wa New Amaan Complex Zanzibar kwa mazoezi ya pamoja ya viungo yaliyofanyika leo 1-1-2024

DKT. BITEKO AKUTANA NA WAZEE NA VIONGOZI WA DINI WILAYANI BUKOMBE








📌 Awashukuru kwa ushirikiano mkubwa wanaompatia

📌 Awaasa kukemea vitendo viovu katika jamii

📌 Wazee na Viongozi wa Dini wampongeza

NA Mwandishi wetu Ofisi ya Naibu Waziri Mkuu..

Naibu Waziri Mkuu na Waziri wa Nishati, Mhe. Dkt. Doto Biteko amekutana na kufanya mazungumzo na viongozi wa dini kutoka madhehebu mbalimbali wilayani Bukombe pamoja na Wazee wa wilaya hiyo, katika mkutano uliolenga kubadilishana mawazo na kumshukuru Mungu kwa mwaka 2023.

Mkutano huo umefanyika tarehe 31 Desemba 2023, Ushirombo wilayani Bukombe mkoani Geita na kuhudhuriwa na viongozi mbalimbali wa Chama cha Mapinduzi na Serikali wakiongozwa na Mkuu wa Wilaya ya Mbogwe, Sakina Mohamed ambaye kwa sasa anakaimu nafasi ya Ukuu wa Wilaya ya Bukombe.

“Mimi pamoja na wenzangu serikalini tunawashukuru sana wazee na viongozi wa dini wa Bukombe kwa ushirikiano mkubwa mnaotoa kwetu, leo nimeona tupate nafasi ya kumshukuru Mungu pamoja na ninyi  na kubadilisha mawazo kwani hakuna kiongozi anayeweza kufanya jambo  lolote bila kushirikishana na wenzake, ninyi mmeona mengi kuliko mimi, mnafahamu mengi, mnajua mengi, uelewa wenu ni mkubwa na pia mnakaa na jamii muda wote hivyo mnafahamu wapi turekebishe ili tutengeneze Bukombe bora zaidi.” Amesema Dkt. Biteko

Ili kuwa na jamii iliyo bora, Dkt. Biteko amewaasa viongozi hao wa dini na wazee kuendelea kukemea matendo mabaya pale wanapoyaona, tena bila kuyaonea aibu  kwani ni watu wanaoheshimika katika jamii na ujumbe kutoka kwao unawafikia watu wengi.

Pamoja na kueleza  utekelezaji wa miradi mbalimbali ya maendeleo wilayani Bukombe ikiwemo Shule, Vituo vya Afya, Hospitali, usambazaji umeme na barabara, Dkt. Biteko  amesema kuwa, changamoto zozote ambazo bado zipo wilayani humo zitatatuliwa ili Bukombe iweze kuwa bora zaidi. 

Katika mwaka 2024, Dkt. Biteko ametoa ujumbe wa watu  wa makundi yote kupendana na kusameheana na kwamba Serikali itaendelea kuhakikisha inatoa huduma bora kwa wananchi ili watoto wasome kwenye shule nzuri, wananchi watumie barabara nzuri, wahudumiwe katika zahanati, kituo cha afya na  hospitali nzuri, wapatiwe huduma ya umeme na maji hali itakayofanya pia watu kupenda maeneo walikotoka.

Kwa nyakati tofauti katika mkutano huo, Wazee wa Bukombe walipata fursa ya kutoa maoni yao kuhusu maeneo ambayo wanaona kuwa yanahitaji uboreshaji na pia walimpongeza Dkt. Biteko kwa kuwapa nafasi za kuwasikiliza na kutoa ufafanuzi wa hatua mbalimbali ambazo Serikali inachukua ili kuboresha huduma kwa wananchi

Saturday, 11 November 2023

PAHALA FULANI KWA WATU FULANI TONYTOX GARDEN- NDANI YA KIGAMBONI...
















 

 
Copyright © 2016 Shamakala
Designed by Switch International | SHAMAKALA 360
    Twitter Facebook Google Plus Vimeo Videosmall Flickr YouTube