TFF NAO WAMLILIA MWANAHABARI AMINA ATHUMANI ALIYEFARIKI ZANZIBAR ALIPOKWENDA KWENYE MAPINDUZI CUP

Rais wa Shirikisho la Mpira wa Miguu Tanzania (TFF), Jamal Emil Malinzi ametuma salamu za rambirambi kwa Mhariri Mtendaji wa Magazeti ya Uhuru, Mzalendo na Burudani kutokana na kifo cha Mwanahabari za michezo, Amina Athumani.

Katika salamu hizo ambazo pia zimekwenda kwa Mwenyekiti wa Chama cha Waandishi wa Habari za Michezo Tanzania (TASWA), Juma Pinto; Rais Malinzi ameelezea kushtushwa kwake kwa taarifa za kifo cha ghafla cha Amina Athumani.

“Niseme tu wazi kuwa tangu kuanza kwa michuano ya mapinduzi, nimekuwa nikifuatilia taarifa mbalimbali zinazotolewa na wanahabari. Huwa pia sikosi magazeti ya Uhuru na Mzalendo na kuona byline (jina la mwandishi) ya Amina. Mpaka matokeo ya fainali zilizofanyika Januari 13, mwaka huu.

“Sasa asubuhi hii nimepata taarifa za kifo chake, ama kwa hakika zinasikitisha. Ni kifo cha ghafla, ninavyomfahamu binti huyo ni mchapakazi hodari, na mfano uko wazi kwani katika hali ya ujauzito alikuwa hakosi kufuatilia habari,” amesema Rais Malinzi.

Kadhalika, Rais Malinzi ametuma salamu hizo za rambirambi kwa familia ya marehemu Amina Athumani, ndugu, jamaa na marafiki na kuwataka kuwa na moyo wa subira wakati huu mgumu wa msiba wa mpendwa wao.

“Binafsi naona ni kama askari Jeshi aliyefia vitani. Naweza kumwita ni shujaa, lakini ndiyo hivyo tena, huwezi kupingana na mipango ya Mungu, nimepokea taarifa hizo kwa masikitiko makubwa, naomba wenzangu pia muwe na subira wakati huu mgumu ambao tasnia na Kampuni ya Uhuru Publications imepoteza mwanahabari mahiri.

Taarifa zinasema Amina alifariki dunia leo Jumapili Januari 15, 2017 akiwa anapatiwa matibabu kwenye Hospitali ya Mnazimmoja, iliyoko Zanzibar mara baada ya kujifungua jana kwa mtoto ambaye pia alifariki muda mfupi baada ya kuzaliwa.

Hadi mauti yanamkuta alikuwa Mwandishi wa magazeti ya Uhuru na Mzalendo pamoja na gazeti la Burudani linalochapisha mahsusi habari za michezo na sanaa. Mwenyezi Mungu aipumzishe roho ya marehemu Amina Athumani mahala pema peponi.

Inna Lillah wa Innaa Ilaihi Rajaajiuun.

Sote wa Mwenyezi Mungu, na kwake tutarejea.

08:31

No comments

Read more »

MAJALIWA AZINDUA BARABARA YA MWANAKWEREKWE HADI FUONI- ZANZI

 Waziri Mkuu, Kassim Majaliwa akizindua barabara ya Mwanakwerekwe hadi Fuoni yenye urefu wa kilomita 4.1 iliyopo Zanzibar Januari 11, 2017.  Kushoto ni  Waziri wa  Ujenzi,  Mawasiliano na  Usafirishaji, Ali Karume . (Picha na Ofisi ya Waziri Mkuu)

 Waziri Mkuu, Kassim Majaliwa akifurahia baada ya kuzindua barabara yenye urefu wa kilomita 4.1  ya kutoka Mwanakwerekwe hadi Fuoni Zanzibar ikiwa ni moja ya shughuli za sherehe za Mapinduzi ya Zanzibar, Januari 11, 2017.  Katikati ni Waziri wa Nchi Afisi ya Makamu wa Pili wa rais wa Zanzibar, Mohammed Abood na Kulia ni  Mkuu wa mkoa waMjini Magharibi, Mohammed Mahmoud. (Picha na Ofisi ya Waziri Mkuu)

 Waziri Mkuu, Kassim  Majaliwa akiwapungia wananchi wa Zanzibara wakati alipowasili kwenye eneo la  Barabara ya Mwanankwerekwe  hadi Fuoni kufungua barabara hiyo yenye urefu wa Kilomita 4.1 Januari 11, 2017. Kushoto ni Waziri wa Ujenzi, , Mawasiliano na Usafirishaji, Ali Karume. (Picha na  Ofisi ya Waziri Mkuu)

  Baadhi ya wananchi wa Zanzibar wakimsikiliza Waziri Mkuu, Kassim Majaliwa wakati alipozungumza baada ya kuzindua barabara ya Mwanakwerekwe hadi Fuoni yenye urefu wa Kilomita 4.1 ilyopo Zanzibar Januari 11, 2017. (Picha na Ofisi ya Waziri Mkuu)

  Waziri Mkuu, Kassim Majaliwa akizungumza baada ya kuzindua barabara ya Mwanakwerekwe hadi Fuoni yenye urefu wa Kilomita 4.1 iliyopo Zanzibar Januari 17, 2017. (Picha na Ofisi ya Waziri Mkuu)

Waziri Mkuu, Kassim Majaliwa akishiriki katika dua iliyosomwa baada ya kuzindua barabara ya Mwanakwerekwe hadi Fuoni yenye urefu wa Kilomita 4.1 iliyopo Zanzibar Januari 17, 2017.Wengine pichani kutoka kushoto ni Spika wa Baraza la Wawakilishi,   Zubri Ali Maulid, Mkuu wa Mkoa wa Mjini Magharibi, Mohammed Mahmoud na kulia ni Waziri wa Ujenzi, Mawsiliano na  Usafirishaji, Ali Karume. (Picha na Ofisi ya Waziri Mkuu)

18:54

No comments

Read more »

SHUHUDIA MAAJABU NA MANDHARI TOFAUTI UNAZO KUTANA NAZO PINDI UNAPO PANDA MLIMA KILIMANJARO

Uoto wa asili wa aina mbalimbali unavyoonekana wakati unapoanza safari ya kuelekea kituo cha Kibo ukitokea kituo cha Horombo.

Mawe yenye michoro mithili ya mistari ya Pundamilia yanaonekana katika eneo lijulikanalo kama Zebra Rocks.

Kwa mbali ni muonekano wa vibanda viwili maalumu kwa ajili ya kujisaidia ambavyo viko njiani wakati unaelekea Kibo Hut ,eneo hili linajulikana kama Last woter Point ni eneo la mwisho linaloonekana kuwa na maji.

Ndege wakubwa aina ya Kunguru mwenye baka jeupe shingoni wanaonekana katika maeneo haya wakisubiri mabaki ya chakula kutoka kwa wageni wanaopanda Mlima Kilimanjaro.

Maeneo mengine yanaonekana kuwa na mabonde makubwa huku ukungu ukifunika uoto wa asili katika maeneo hayo.

Uoto wa asili hupotea kabisa na kubaki nyasi fupi hasa maeneo ambayo yamefunikwa na mchanga ,eneo hili ni maarufu kwa jina la Saddle .

Ukiwa njiani katika eneo hili unapata nafasi ya kupita katikati ya vilele viwili vya mlima Kilimanjaro yaani Kibo na Mawenzi na hiki ni kilele cha Kibo ilipo Uhuru Peak.

Hii ni sehemu tu ya vilima vilivyo njiani na eneo hili hutumika kwa ajili ya kupata chakula kabla ya kuendelea na safari ya kuelekea Kibo Hut.

Haya ni maeneo tofauti yanavyoonekana wakati wa safari ya kuelekea Kiboo Hut.

Ukipata bahati ya kuamka mapema ,hii ndio hali unayokutana nayo pindi uwapo katika safari ya kuelekea Kibo Hut.

Na huu ndio muonekano wa kituo kimojawapo majira ya asubuhi pindi kunapokuchwa.

Kwa mbaali taswira ya kilele cha Kibo ndivyo kinaonekana.

Upande wa pili kilele cha Mawenzi hivi ndivyo huonekana.

Njiwa pori pia wanaonekana katika maeneo haya.

Hii ni sehemu ya juu ya mlima ambayo hujulikana kama Jamaica ,sehemu ya mwisho kabla ya kufika Gilmans point.

Safari inayoendelea ni ya kupita eneo ambalo limezingirwa na barafu kuelekea kituo cha Stella.

Vilima vya barafu ni sehemu ya maumbile yanaoonekana katika eneo la jirani kabisa na kilele cha Uhuru.

Maeneo mengine licha ya kuwa juu ,yanaonekana kuwa makavu .

Na hapa ndio Kilele cha Uhuru ambako safari ya siku nne inakufikisha na kuandika historia kuwa miongoni mwa watu waliowahi kufika eneo la juu kabisa Afrika na la pili Duniani.

18:30

No comments

Read more »

DIAMOND KUWACHEZESHA CHAMBUA KAMA KARANGA WANASOKA GABON,NI KATIKA UFUNGUZI WA FAINALI ZA AFCON,SERIKALI,DSTV WATIA UBANI

Waziri wa Habari,Utamaduni ,Sanaa na Michezo Mh.Nape Nnauye akizungmza kabla ya kukabidhi bendera ya Taifa kwa Mwanamzuziki Nasib Abdul ,na Kundi la WBC linalokwenda Gabon kwa ajili ya kutumbuzi kwenye ufunguzi wa Fainali Januari 14 Mwaka huu

Waziri Nape akimsikiliza Diamond akizungumza katika hafla ya kuagwa kwenda Gabon

Waziri Nape akimkabidhi Bendera ya Taifa Mwanamzuki Diamond tayari kwa Safari ya kwenda Gabon kutumbuzi kwenye Ufunguzi wa Fainali za AFCON Januari 14 DSTV Tanzania wamedhamini tiketi za wasanii wote

Waziri wa Habari,Utamaduni Sanaa na Michezo Nape Moses Nnauye, amemkabidhi bendera ya Taifa Msanii Nasibu Abdul Maarufu kwa jina la Diamondi tayari kwa kwenda nchini Gabon kwa ajili ya kutumbuiza katika ufunguzi wa Fainali za Mataifa ya Afrika AFCON yanayotarajiwa kuanza Januari 14 mwaka huu.

Akizungumza wakati wa hafla fupi iliyoandaliwa na Multichoice Tanzania Waziri Nape amesema kuwa Serikali imefurahishwa na kitendo cha msanii huyo kualikwa kutumbuiza katika michuano hiyo mikubwa jambo ambalo linaitangaza Tanzania kwa njia nyingine tofauti na soka baada ya timu ya Taifa kushindwa kufanya vyema.

Nape amelitaka kundi zima la WCB kwenda kuwakilisha vyema katika ufunguzi huo huku akiusifu uongozi wa Multichoice kupitia DSTV kwa kugharamia udhamini wa tiketi wa kundi zima akiwasema ni moyo wa kizalendo.

"Imeelezawa pia katika kuhakikisha watanzania wengi wanashuhudia mashindano hayo DSTV imeyaweka kwenye channel ya Supersport ambayo ipo katika kifurushi cha Bomba ,moja ya vifurushi vya bei nafuu"

Naye Balozi wa DSTV Tanzania Lucas maarufu kama JOTI, amewaomba watanzania kuhakikshi hawakosi kutazama ufunguzi huo ambao msanii Diamond atatumbuiza pamoja na kundi lake la wasafi WBC, pamoja na kununua vifurushi vya Bomba,

18:25

No comments

Read more »

BARCELONA WAPONEA KWENYE TUNDU LA SINDANO KWA VILLARREAL ..

Kiungo wa Barcelona, Sergio Busquets akimfanyia faulo  mshambuliaji wa Villarreal, Alexandre Pato katika mchezo wa La Liga

Mchezo huo ulifanyika kwenye Uwanja wa El Madrigal, ambapo timu hizo zlitoshana nguvu kwa sare ya 1-1, ambpo . Villarreal walitangulia kupata bao lililofungwa na Nicola Sansone dakika ya 49 kabla ya Lionel Messi kuisawazishia Barca kwa shuti la mpira wa adhabu dakika ya 90 ya mchezo.

11:28

No comments

Read more »