HATIMAYE VIBALI VYA NEMC (EIA CERTIFICATE) NDANI YA SIKU 14 BADALA YA SIKU 105

Naibu Waziri wa Habari, Mawasiliano na Teknolojia ya Habari Mhe. Mhandisi Andrea Kundo (Kushoto) akiwa pamoja na Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande wakati wa kikao kazi cha kujadili kuhusu ufumbuzi wa kero ya ucheleweshwaji wa vibali (Eia Certificate) vinavyotolewa na Baraza la Taifa la Hifadhi na Usimamizi wa Mazingira-NEMC, kikao hicho kimefanyika katika ukumbi wa mikutano wa NHIF Jijini Dodoma tarehe 28 Octoba 2021. 

Naibu Waziri wa Habari, Mawasiliano na Teknolojia ya Habari Mhe. Mhandisi Andrea Kundo (Kushoto) akisisitiza jambo wakati wa kikao kazi cha kujadili kuhusu ufumbuzi wa kero ya ucheleweshwaji wa vibali (Eia Certificate) vinavyotolewa na Baraza la Taifa la Hifadhi na Usimamizi wa Mazingira-NEMC, kikao hicho kimefanyika katika ukumbi wa mikutano wa NHIF Jijini Dodoma tarehe 28 Octoba 2021.

Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande akisisitiza jambo wakati wa kikao kazi cha kujadili kuhusu ufumbuzi wa kero ya ucheleweshwaji wa vibali (Eia Certificate) vinavyotolewa na Baraza la Taifa la Hifadhi na Usimamizi wa Mazingira-NEMC, kikao hicho kimefanyika katika ukumbi wa mikutano wa NHIF Jijini Dodoma tarehe 28 Octoba 2021.

Sehemu ya wajumbe wakifuatilia kikao kazi kilichoongozwa na Naibu Waziri wa Habari, Mawasiliano na Teknolojia ya Habari Mhe. Mhandisi Andrea Kundo (Kushoto) akiwa pamoja na Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande kujadili kuhusu ufumbuzi wa kero ya ucheleweshwaji wa vibali (Eia Certificate) vinavyotolewa na Baraza la Taifa la Hifadhi na Usimamizi wa Mazingira-NEMC, kikao hicho kimefanyika katika ukumbi wa mikutano wa NHIF Jijini Dodoma tarehe 28 Octoba 2021.

Mkurugenzi Mkuu wa Baraza la Hifadhi na Usimamizi wa Mazingira-NEMC Dkt Samuel Gwamaka akisisitiza jambo mbele ya Naibu Waziri wa Habari, Mawasiliano na Teknolojia ya Habari Mhe. Mhandisi Andrea Kundo (Kushoto) akiwa pamoja na Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande wakati wa kikao kazi cha kujadili kuhusu ufumbuzi wa kero ya ucheleweshwaji wa vibali (Eia Certificate) vinavyotolewa na Baraza la Taifa la Hifadhi na Usimamizi wa Mazingira-NEMC, kikao hicho kimefanyika katika ukumbi wa mikutano wa NHIF Jijini Dodoma tarehe 28 Octoba 2021.

Naibu Waziri wa Habari, Mawasiliano na Teknolojia ya Habari Mhe. Mhandisi Andrea Kundo na Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande kwa pamoja wamekutana na kujadili kuhusu ufumbuzi wa kero ya ucheleweshwaji wa vibali (Eia Certificate) vinavyotolewa na Baraza la Taifa la Hifadhi na Usimamizi wa Mazingira-NEMC.

 

Katika kikao hicho kilichofanyika katika ukumbi wa Mfuko wa Taifa wa Bima ya Afya (NHIF) Jijini Dodoma, imebainishwa kuwa kuchelewa kwa upatikanaji wa vibali hivyo kwa kiasi kikubwa imekuwa kikwazo katika miradi ya mawasiliano iliyokuwa ikihitaji Vibali kutoka NEMC.

 

Naibu Waziri wa Habari, Mawasiliano na Teknolojia ya Habari Mhe. Mhandisi Andrea Kundo na Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande katika nyakati tofauti wamewaagiza wataalamu wa Wizara hizo mbili kukaa pamoja na kuunganisha mifumo yao ili iweze kusomana na kuondoa kabisa visingizio vya kutopatikana Vibali kwa wakati.

 

Mhe Kundo amesema kuwa utatuzi huo wa changamoto hiyo iliyopelekea kuchelewa kukamilika kwa miradi ya serikali kwa Zaidi ya miezi saba jambo ambalo lilikuwa likirudisha nyuma utendaji na ufanisi wa kazi za serikali kwa wakati.

 

Amesema kuwa sasa vibali vitaanza kutoka ndani ya siku 14 mpaka 30 kutoka siku 105 za awali ambazo zilikuwa kikwazo kwa wakandarasi waliokuwa wanajenga minara mbalimbali ya mawasiliano.

“Ndugu zangu nimehangika na minara mingi ambayo imebaki viporo ikiwa na visingizio vya kutopatikana Vibali, sasa najua nani ambaye anakwamisha miradi yetu na tutachukua hatua kulingana na uhalisia” Amesisitiza Mhe Kundo

 

Katika kikao kazi hicho, Mhadisi Kundo amemshukuru Waziri wa Ofisi ya Makamu wa Rais Muungano na Mazingira Mhe Suleiman Jaffo pamoja na Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande kwa kufanikisha kikao hiki ambacho kimezaa matunda.

Naibu Waziri Kundo amempongeza Rais wa Jamhuri ya Muungano wa Tanzania Mhe Samia Suluhu Hassan kwa kuidhinisha Bajeti kwa ajili ya miundombinu ya Mawasiliano ambayo ni moja ya njia kuu za uchumi wa nchi.

 

Naye Naibu Waziri wa Ofisi ya Makamu wa Rais (Muungano na Mazingira) Mhe Hamad Hassan Chande amesema kuwa kikao kazi hicho baina ya Wizara hizo mbili kimezaa matunda ambayo ni manufaa kwa Taifa na vizazi vijavyo kwani kimekuwa na maridhiano makubwa na muhimu.

 

Amesema kuwa pamoja na kuwa na makubaliano hayo yatakayopelekea maendeleo ya uwekezaji lakini ni lazima wananchi kuzingatia umuhimu wa utunzaji wa mazingira kwa sababu ni wazi kuwa bila mazingira hakuna maisha.

 

“Itakuja kuwa ni lawama kubwa sana kwa wajukuu zetu au watoto wetu kama tumewekeza kwenye maendeleo bila kujali mazingira hivyo tumekubaliana kuwa tunaenda kwenye maendeleo lakini maingira lazima tuyatazame kwa jicho la tatu” Amesisitiza Mhe Chande

 

Naibu Waziri Chande amemshukuru Rais wa Jamhuri ya Muungano wa Tanzania Mhe Samia Suluhu Hassan ambaye ameamua kuleta na kuwakaribisha wawekezaji na kuzifanya sera kuwa rahisi zinazowafanya wawekezaji kutokuwa na kigugumizi katika kuwekezaji nchini Tanzania.

“Ushirikiano huo unapaswa kuwa sababu ya mahusiano ya karibu ya ujenzi wa Taifa kwa pamoja kwani kufanya hivyo Taifa litafaidika na matunda ambayo yatakuwa ni endelevu wakati wote” Amekaririwa Mhe Chande

 

Kwa upande wake Mkurugenzi Mkuu wa Baraza la Hifadhi na Usimamizi wa Mazingira-NEMC Dkt Samuel Gwamaka ameahidi kufanya kazi na Mfuko wa Mawasiliano kwa Wote nchini UCSAF ili kuweka mazingira mazuri ya kufanya kazi hizo.

 

Asema kuwa atatekeleza maelekezo yaliyotolewa na Naibu Mawaziri hao ikiwemo kutoa vibali kwa wakati kama ilivyotakiwa kutolewa ndani ya siku 14 mpaka 30.

 

Naye Mkuu wa Uendeshaji wa Mfuko wa Mawasiliano kwa Wote nchini Mhandisi Albert Richard amesema kuwa kikao kazi hicho kimekuwa na tija kwa kiasi kikubwa kwani serikali inadhamiria kufikisha huduma mawasiliano kwa wananchi wa mijini na vijijini ambapo hakuna mvuto wa kibiashara.

 

Mhandisi Richard amesema kuwa ili kufanikisha miradi hiyo ni lazima kupata vibali mbalimbali kwa wakati ikiwemo cha Mazingira ili kurahisisha na kutatua tatizo la kuchelewa kwa vibali hivyo.

09:00

No comments

Read more »

KATIBU MKUU WIZARA YA ELIMU,SAYANSI NA TEKNOLOJIA AFUNGUA KIKAO CHA SIKU MBILI CHA WADAU MAENDELEO YA ELIMU

Katibu Mkuu Wizara ya Elimu, Sayansi na Teknolojia Dkt. Leonard Akwilapo akifungua kikao cha wadau wa maendeleo ya sekta ya elimu wakati wakijadili taarifa ya uchambuzi wa hali halisi ya sekta ya elimu kwa mustakabali wa  uimarishaji wa Sekta.

Katibu Mkuu Wizara ya Elimu, Sayansi na Teknolojia Dkt. Leonard Akwilapo ametoa wito kwa wadau wa elimu kuendelea kutoa maoni katika hatua mbalimbali za maandalizi ya Mpango wa tatu wa Maendeleo ya Sekta ya Elimu ili kuongeza wigo na ubora wa elimu inayotolewa kwa Watanzania.

 

Akizungumza  Jijini Dar es Salaam wakati akifungua kikao cha wadau wa maendeleo  sekta ya elimu wakati wakijadili taarifa ya uchambuzi wa hali halisi ya sekta ya elimu kwa mustakabali wa  uimarishaji wa Sekta amesema Wizara ipo katika uandaaji wa Mpango Tatu wa Maendeleo ya Sekta ya Elimu (2021/22 - 2025/26), hivyo ni ni jambo zuri kufanya uchambuzi wa hali halisi ya sekta katika kipindi cha utekelezaji wa mpango uliomalizika ili kujua yale yaliyopangwa yamefanikiwa kwa kiasi gani.

“Wengi wenu mtakuwa mnatambua kuwa Mpango wa Maendeleo ya Sekta ya Elimu Awamu ya pili (2016/17 - 2020/21) umemalizika, Hivyo uandaaji wa Mpango wa Tatu wa Maendeleo ya Sekta ya Elimu (2021/22- 2025/26) umeanza na hatua ya kwanza ni kufanya tathmini ya hali halisi ya sekta katika kipindi cha utekelezaji wa mpango uliomalizika muda wake. Kazi hiyo ya kufanya uchambuzi ndio iliyotukusanya hapa siku hii leo hivyo nawaomba mtoe mchango wenu katika taarifa hii na mapendekezo ya namna ya kuboresha sekta ya elimu nchini,” amesema Katibu Mkuu Akwilapo

 

Amesema Serikali inatambua na kuthamini mchango wa wadau katika kuwahudumia watanzania wote kwa kutoa elimu bora katika ngazi zote, kuanzia elimu ya awali hadi Chuo kikuu na kwamba Wizara itaendelea kushirikiana nao kwa karibu na kuweka mazingira rafiki na wezeshi ili kuharakisha azma ya Serikali ya kuleta maendeleo kwa wananchi

 

Katibu Mkuu Akwilapo ametumia fursa hiyo kuwashukuru wadau ambao wamegharimia zoezi la uchambuzi wa hali ya sekta ya elimu hapa nchini, ambao ni Idara ya Maendeleo ya Kimataifa ya Uingereza Benki ya Dunia na UNICEF ambao wamekuwa wasimizi Wakuu wa zoezi zima la tathmini ya sekta. Pia amewapongeza Washauri Elekezi, kitaifa na kimataifa waliotekeleza zoezi la uchambuzi kwa kushirikiana na Wizara ya Elimu, Sayansi na Teknolojia, Ofisi ya Rais TAMISEMI na Wizara ya Fedha na Mipango.

 

Kwa upande wake Naibu Katibu Ofisi ya Rais Tawala za Mikoa na Serikali za Mitaa Gerald Mweli amesema kila baada ya miaka mitano Serikali imekuwa ikiandaa Mpango unaotoa mwelekeo wa namna ya kuboresha utoaji wa elimu nchini ili kujua mafanikio na changamoto zilizojitokeza wakati wa utekelezaji wa mpango ulioisha.

 Aidha amebainisha TAMISEMI imepewa jukumu la kusimamia utoaji wa elimu msingi na sekondari nchini na kwamba kwa mwaka huu wa fedha wamefanikiwa kuajiri walimu wanaofundisha elimu ya msingi na sekondari elfu 14,949 ikiwa ni sambamba ujenzi wa miundombinu ili kuhakikisha ufundishaji unaendelea na katika mazingira yaliyoimarishwa.

Kwa upande wake Makamu Mwenyekiti wa Bodi ya Mtandao wa Elimu Tanzania Lydia Wilbard ameonesha furaha yake kwa Serikali kufanya kikao hicho na kuwashirikisha wadau amesema ni utaratibu mzuri ndani ya serikali katika kuhakikisha kwamba Sekta ya elimu inapojadiliwa inahusisha wadau wa elimu kwani utekelezaji wa mipango ni  jumuishi

“Kushirikishwa kwetu sisi wadau tunapata fursa ya kuona kwa undani sekta yetu elimu imekwendaje na kutusaidia kupanga mikakati maalum ambayo italeta matokeo chanya katika kupanga mkakati unaokuja,”amesema Lydia Makamu Mwenyekiti Bodi ya TENMET.

16:36

No comments

Read more »

WAZIRI MKENDA ALIVYOONGOZA MAMIA YA WANANCHI MAZISHI YA BASIL MRAMBA//ANENA MAZITO

Waziri wa Kilimo Mhe Prof. Adolf Mkenda akitoa salamu za Rais wa jamhuri ya Muungano wa Tanzania Mhe Samia Suluhu Hassan wakati akiaga mwili wa marehemu Mhe Basil Mramba katika viwanja vya Sabasaba vilivyopo katika Wilaya ya rombo Mkoani Kilimanjaro.

Mwili wa marehemu Mhe Basil Mramba katika viwanja vya Sabasaba vilivyopo katika Wilaya ya rombo Mkoani Kilimanjaro kwa ajili ya ibada ya mazishi.

Waziri wa Kilimo Mhe Prof. Adolf Mkenda (Kulia) pamoja na Mkuu wa Mkoa wa Kilimanjaro Mhe Stephen Kagaigai (Wa pili kulia) wakiwa katika ibada maalumu ya kuaga  mwili wa marehemu Mhe Basil Mramba katika viwanja vya Sabasaba vilivyopo katika Wilaya ya rombo Mkoani Kilimanjaro.

Sehemu ya familia ya Marehe Mhe Basil Mramba wakiwa katika ibada maalumu ya kuaga  mwili wa marehemu Mramba katika viwanja vya Sabasaba vilivyopo katika Wilaya ya rombo Mkoani Kilimanjaro.

Sehemu ya viongozi mbalimbali wa Chama Cha Mapinduzi CCM Mkoa wa Kilimanjaro wakiwa katika ibada maalumu ya kuaga  mwili wa marehemu Mramba katika viwanja vya Sabasaba vilivyopo katika Wilaya ya rombo Mkoani Kilimanjaro.

Mwakilishi wa Askofu wa jimbo katoliki la moshi Padre Deogratius Matiika akiendesha misa katika viwanja vya Sabasaba katika Halmashauri ya Wilaya ya Rombo Mkoani Kilimanjaro wakati wa ibada ya mazishi ya Mhe Basil Pesambili Mramba.

Mkuu wa Mkoa wa Kilimanjaro Mhe Stephen Kagaigai akitoa salamu za wananchi wa mkoa huo wakiwa katika ibada maalumu ya kuaga  mwili wa marehemu Mhe Basil Mramba katika viwanja vya Sabasaba vilivyopo katika Wilaya ya rombo Mkoani Kilimanjaro.

Geofrey Mramba ambaye ni mtoto wa kwanza wa marehemu Mhe Basil Mramba, akisoma wosia wa marehemu baba yake katika viwanja vya Sabasaba vilivyopo katika Wilaya ya rombo Mkoani Kilimanjaro wakati wa ibada ya mazishi.

Mamia ya wananchi wa Wilaya ya Rombo mkoani Kilimanjaro na kwingineko nchini wamejitokeza kuuaga mwili wa aliyekuwa mbunge wa Jimbo la Rombo na kushika wadhifa mkubwa akihudumu wakati huo kama waziri wa fedha, Mhe Basil Pesambili Mramba.

Katika shughuli hiyo ya kuaga mwili huo iliyofanyika katika viwanja vya sabasaba vilivyopo katika Halamshauri ya wilaya ya Rombo kwa niaba ya serikali, iliongozwa na Waziri wa Kilimo Mhe Prof Adolf Mkenda aliyemuwakilisha Rais wa Jamhuri ya Muungano wa Tanzania Mhe Samia Suluhu Hassan.

Mhe Mramba ambaye alifariki Agosti 17, mwaka huu katika hospitali ya Regency iliyopo mkoani Dar es salam ameagwa katika uwanja wa sabasaba na kisha kuzikwa kijijini kwake Shimbi wilayani Rombo.

Akitoa salamu za rambirambi kwa niaba ya Rais Samia,  Waziri wa Kilimo Mhe Prof. Adolf Mkenda ambaye amesema Taifa litamkumba Basil Mramba kwa uzalendo na juhudi zake alizozifanya wakati akiwa katika nyadhifa mbalimbali za uwaziri serikali na kusema ameacha alama kubwa kwa Taifa inayopaswa kutambuliwa ipasavyo.

Waziri Mkenda amesema kuwa, Mramba ameacha alama ambazo hazitafutika kamwe katika wilaya ya Rombo hasa katika suala la barabara na kilimo cha ndizi na maparachichi ambacho ndio uchumi mkubwa na tegemezi kwa wananchi wa wilaya hiyo.

"Wananchi wa Rombo kamwe hatutamsahau Mramba kwa mambo makubwa aliyoyafanya wakati wa ubunge wake,wakati anaingia kwenye ubunge kwa mara ya kwanza Rombo ilikuwa na shule nne pekee za Sekondari na mpaka anaondoka kwenye nafasi hii ya ubunge alicha shule zaidi ya 40 kutokana upambanaji wake," Amekaririwa Profesa Mkenda

Waziri huyo wa Kilimo Mhe Profesa Mkenda amewaahidi wananchi wa Jimbo hilo kuwa ataendeleza yale yote ambayo Mramba alitamani kuyakamilisha lakini hayakukamilika wakati alipouwa madarakani.

Naye Mwenyekiti wa Chama Cha Mapinduzi Mkoa wa Kilimanjaro, Ndg Patrick Boisafi amesema kifo cha Mramba ni pigo kubwa kwa wanachi na wakazi wa Rombo na Taifa kwa ujumla kwani alikuwa ni mtu aliyetumikia Taifa kwa upendo na kulipenda jimbo lake.

"Mramba ameacha alama hapa Rombo na Taifa kwa ujumla, maisha yake yanajieleza na alifanya kazi kubwa kwenye nchi hii na sisi sote ni mashahidi, aliipenda Rombo na Kilimanjaro kwa ujumla tuna cha kujifunza  kupitia kwake, alitumia nafasi aliyopewa na serikali kuwatumikia wananchi wake," Amesema Boisafi

Akizungumza wakati wa ibada ya mazishi, Mwakilishi wa Askofu wa jimbo katoliki la moshi, Padre Deogratius Matiika amesema Mramba ameandika historia katika jimbo hilo na kwa kanisa katoliki na kwamba atakumbukwa kwa mengi kwani alikuwa ni kimbilio la wengi.

"Tutaendelea kumuenzi ndugu yetu Mramba amekuwa ni mti mzuri uliozaa matunda kwani alimpenda Mungu na alimtumikia ipasavyo, alishiriki nasi katika maeneo mbalimbali pale ambapo kulikuwa na msaada kanisani alitusaidia, ameandika historia ambayo haitafutika Kilimanjaro, hakuna anayeweza kupinga hili kwamba aliweka historia wilaya ya Rombo," Amesisitiza Padre Matiika

Mramba alihudumu katika nyadhifa mbalimbali za uwaziri ikiwemo Waziri wa Fedha, Waziri wa Viwanda na Biashara ambaye pia alikuwa mwanzilishi wa viwanda vidogo vidogo nchini (SIDO)

08:57

No comments

Read more »

MAAFISA UGANI NI MBONI YA JICHO LA WIZARA YA KILIMO-WAZIRI MKENDA

Waziri wa Kilimo Mhe. Prof. Adolf Mkenda (Mb) akisisitiza jambo wakati akizungumza na maafisa ugani wa Wilaya ya Kongwa wakati apokutana na kuzungumza nao katika kikao kazi wilayani humo katika Mkoa wa Dodoma, kilichofanyika katika ukumbi wa Halmashauri ya wilaya ya Kongwa Leo tarehe 17 Agosti 2021. Wengine pichani ni Mkuu wa Mkoa wa Dodoma Mhe Antony Mtaka (Kulia) na Mkuu wa Wilaya ya Kongwa Mhe Renidius Mwema. 

Waziri wa Kilimo Mhe. Prof. Adolf Mkenda (Mb) akisisitiza jambo wakati akizungumza na maafisa ugani wa Wilaya ya Kongwa wakati apokutana na kuzungumza nao katika kikao kazi wilayani humo katika Mkoa wa Dodoma, 

Waziri wa Kilimo Mhe. Prof. Adolf Mkenda (Mb) akiwa ameambatana na Mkuu wa Mkoa wa Dodoma Mhe Antony Mtaka wakimkabidhi zawadi ya Televisheni Afisa Ugani Kata ya Ng'humbi Ndg Charles Mujule kama kielelezo cha kufanya kazi kwa ufanisi wakati alipokutana na kuzungumza na maafisa ugani wa Wilaya ya Kongwa katika Mkoa wa Dodoma, 

Mkuu wa Mkoa wa Dodoma Mhe Antony Mtaka (Kulia) akizungumza na maafisa ugani wa Wilaya ya Kongwa katika kikao kazi wilayani humo katika Mkoa wa Dodoma, kilichofanyika katika ukumbi wa Halmashauri ya wilaya ya Kongwa Leo tarehe 17 Agosti 2021. Wengine pichani ni Waziri wa Kilimo Mhe. Prof. Adolf Mkenda (Katikati) na Mkuu wa Wilaya ya Kongwa Mhe Renidius Mwema (Kushoto).

Sehemu ya maafisa Ugani wa wilaya ya Kongwa Mkoani Dodoma wakifuatilia hotuba ya Waziri wa Kilimo Mhe. Prof. Adolf Mkenda (Mb) wakati wa kikao kazi kilichofanyika Leo tarehe 17 Agosti 2021 katika ofisi za Halamshauri ya Wilaya ya kongwa.

Waziri wa Kilimo Mhe. Prof. Adolf Mkenda (Kulia), 

Sehemu ya maafisa Ugani wa wilaya ya Kongwa Mkoani Dodoma wakifuatilia hotuba ya Waziri wa Kilimo Mhe. Prof. Adolf Mkenda (Mb) wakati wa kikao kazi kilichofanyika Leo tarehe 17 Agosti 2021 katika ofisi za Halamshauri ya Wilaya ya kongwa.

Waziri wa Kilimo Mhe. Prof. Adolf Mkenda (Mb) amesema kuwa Wizara ya Kilimo ilifanya utafiti ikagundua kuwa ili iweze kupiga hatua kubwa za kimaendeleo katika sekta ya kilimo ni wazi kuwa lazima kuwatumia maafisa ugani kwa umuhimu na ufanisi mkubwa.

Amesema kuwa maafisa ugani ndio mboni ya jicho la Wizara ya Kilimo hivyo ili nchi iweze kuwa na kilimo bora kinachokidhi matakwa ya tija na wingi wa uzalishaji na kuwa na kilimo kitakachokidhi matakwa ya soko ni wazi kuwa elimu ni muhimu itolewe kwa wakulima.

Waziri wa Kilimo ameyasema hayo leo tarehe 17 Agosti 2021 wakati akizungumza kwenye kikao kazi na maafisa ugani wa Wilaya ya Kongwa akiwa katika ziara ya kikazi ya siku moja wilayani hapo mkoani Dodoma.

Amesema kuwa serikali imeandaa mafunzo rejea kwa maafisa ugani wote nchini ili kuimarisha sekta ya kilimo na kila afisa ugani katika mikoa kielelezo ya Dodoma, Singida na Simiyu atakabidhiwa Pikipiki kwa ajili ya kurahisisha huduma zao kwa kuwafikia wakulima wengi kwa siku.

Ameongeza kuwa pamoja na pikipiki hizo kwa maafisa ugani, pia serikali itawapatia simu za mkononi kwa ajili ya kurahisisha huduma za mawasiliano na wakulima ikiwa ni pamoja na kuzitumia kwa ajili ya taarifa za utendaji kazi wao.

Pia, ameongeza kuwa maafisa ugani wote wanapaswa kuwa na mashamba ya mifano ambayo serikali itaandaa mfumo mzuri kwa ajili ya kuwasaidia pembejeo ili wawe kielelezo kizuri kwa wakulima katika maeneo yao.

“Mimi nikitaka kujua kama kweli afisa ugani anafanya kazi yake inavyotakiwa nikienda kwenye eneo lake si nitaomba tu kuona shamba lake alilolima kisha nitajiridhisha kwamba anafaa” Amekaririwa Waziri Mkenda

Kuhusu kilimo cha alizeti Waziri Mkenda amesema kuwa maafisa ugani wengi wamekuwa wakifanya kazi zisizohusiana na kilimo lakini serikali ipo katika mkakati wa kuwarejesha kwenye majukumu yao ili kuongeza kasi ya kukuza kilimo nchini.

14:26

No comments

Read more »

KAMATI YA KUDUMA YA BUNGE YA KILIMO, MIFUGO NA MAJI YAPONGEZA UWEKEZAJI WA MAZAO YA MBOGAMBOGA, MATUNDA NA MAZAO YA MIZIZI

Waziri wa Kilimo Mhe Prof. Adolf Mkenda akisisitiza jambo wakati akizungumza na Mtendaji Mkuu wa TAHA Dkt Jacqueline Mkindi walipotembelea shamba la kampuni ya uzalishaji wa ndizi pamoja na karanga aina ya Macademia ya Macjaro Ltd iliyopo eneo la Machame katika Wilaya ya Hai Mkoa wa Kilimanjaro wakati wa ziara ya kikazi ya kamati ya kudumu ya Bunge ya Kilimo, Mifugo na Maji. Tarehe 14 Agosti 2021. (Picha Zote Na Mathias Canal, Wizara ya Kilimo)

Mkurugenzi Mkuu wa Kampuni inayohusika na uzalishaji wa vikonyo vya maua  ya Vasso Agroventures ltd Ndg Fons Nijenhuis akitoa ufafanuzi kuhusu uzalishaji wa maua mbele ya wajumbe wa kamati ya kudumu ya Bunge ya Kilimo, Mifugo na Maji wakati wa ziara ya kikazi katika shamba hilo lililopo Kijiji cha Mkoringa kilichopo Kata ya Kibosho Wilaya ya Moshi Vijijini Mkoani Kilimanjaro. Tarehe 14 Agosti 2021.

Waziri wa Kilimo Mhe Prof. Adolf Mkenda akimsikiliza kwa makini 

Waziri wa Kilimo Mhe Prof. Adolf Mkenda akishiriki palizi kwenye migomba alipotembelea shamba la kampuni ya uzalishaji wa ndizi pamoja na karanga aina ya Macademia ya Macjaro Ltd iliyopo eneo la Machame katika Wilaya ya Hai Mkoa wa Kilimanjaro wakati wa ziara ya kikazi ya kamati ya kudumu ya Bunge ya Kilimo, Mifugo na Maji. 

Waziri wa Kilimo Mhe Prof. Adolf Mkenda akisisitiza jambo wakati akizungumza na Mtendaji Mkuu wa TAHA Dkt Jacqueline Mkindi (Kushoto) na Makamu Mwenyekiti wa Kamati ya Kudumu ya Bunge ya Kilimo, Mifugo na Maji Mhe Almas Maige (Kulia) walipotembelea shamba la kampuni ya uzalishaji wa ndizi pamoja na karanga aina ya Macademia ya Macjaro Ltd iliyopo eneo la Machame katika Wilaya ya Hai Mkoa wa Kilimanjaro wakati wa ziara ya kikazi ya kamati ya kudumu ya Bunge ya Kilimo, Mifugo na Maji. 

Waziri wa Kilimo Mhe Prof. Adolf Mkenda akizungumza na Meneja Ubora wa Kampuni inayohusika na uzalishaji, ununuzi na usafirishaji wa maharage Machanga ya African Vegetable Limited liyopo eneo la Machame katika Wilaya ya Hai Mkoa wa Kilimanjaro wakati wa ziara ya kikazi ya kamati ya kudumu ya Bunge ya Kilimo, Mifugo na Maji. Tarehe 14 Agosti 2021.

Mwenyekiti wa Kamati ya Kudumu ya Bunge ya Kilimo, Mifugo na Maji Mhe Dkt. Christine Ishengoma ameipongeza Wizara ya Kilimo pamoja na Taasisi Kilele inayojihusisha na ulimaji wa mbogamboga, maua na mazao ya bustani TAHA kwa uwekezaji mzuri nchini.

Dkt Ishengoma ametoa pongezi hizo tarehe 14 Agosti 2021 mara baada ya kutembelea na kukagua shamba la kampuni ya African Vegetable Limited, Shamba la Macjaro Limited lililopo Machame Wilayani Hai na Shamba la Vasso Agroventures Ltd lililopo katika kijiji cha Mkoringa kata ya Kibosho Wilaya ya Moshi Vijijini.

Mhe Ishengoma ameahidi kuzisimamia na kuhakikisha kuwa changamoto mbalimbali zinazoikabili sekta hiyo nchini zinatatuliwa na serikali kupitia Wizara ya kilimo ili kuongeza uwekezaji na ajira kwa watanzania wengi.

Akizungumza katika ziara hiyo Waziri wa Kilimo Mhe Prof. Adolf Mkenda amesema kuwa sekta ya mbogamboga, maua na mazao ya bustani haina changamoto ya soko hivyo wananchi wanapaswa kuuona umuhimu wa kuwekeza katika sekta hiyo.

Amesema kuwa sehemu kubwa ya mazao mengi nchini wakulima hulima bila kujua soko lilipo lakini katika sekta hiyo mkulima anaweza kulima huku akiwa na uhakika wa soko la ndani nan je ya nchi.

Amesema kuwa serikali inatambua umuhimu wa zao la ndizi hivyo tayari imejipanga kufanya mkutano maalumu kwa ajili ya kuweka mikakati ya kilimo cha zao hilo ikiwa ni pamoja na kufungua maabara ya utafiti ili kuongeza uzalishaji wa mazao.

Kwa upande wake Mkurugenzi Mtendaji wa Taasisi Kilele inayojihusisha na ulimaji wa mbogamboga, maua na mazao ya bustani-TAHA Dkt Jacqueline Mkindi amesema kuwa sekta hiyo imeendelea kupata ushirikiano madhubuti kutoka serikalini jambo ambalo linaimarisha uhusiano wa kiutendaji.

Amesema kuwa ziara hiyo ya kamati ya Kudumu ya Bunge ya Kilimo, Mifugo na Maji imetoa fursa ya kuimarisha sekta hiyo ikiwa ni pamoja na kuongeza uwekezaji utakaotoa fursa kubwa ya ajira kwa vijana ikiwa ni pamoja na kuimarisha kipato cha wananchi.

Amesema Tanzania ina ardhi yenye rutuba nzuri, uwepo wa maji ya kutosha hivyo matarajio yake ni kujipanga vizuri kwenye mifumo na miundombinu ya kufikia masoko ili kutengeneza mapato kwa mwaka kwa zaidi ya Dola za Kimarekani Bilioni 6.

10:27

No comments

Read more »