MAWAZIRI SEKTA YA KILIMO WA AFRIKA MASHARIKI WAKUTANA, WAZIRI MKENDA ABAINISHA MKAKATI WA TANZANIA KUKABILIANA NA SUMUKUVU

Waziri wa Kilimo Mhe Prof. Adolf Mkenda akizungumza na waandishi wa habari kuhusu mkutano wa Mawaziri wa Kilimo, Mifugo na Uvuvi wa Jumuiya ya Afrika Mashariki ulioketi tarehe 25 Juni 2021 katika ukumbi wa kimataifa wa mikutano wa mjini Arusha (AICC).

Waziri wa Kilimo Mhe Prof. Adolf Mkenda akisisitiza jambo wakati akizungumza na waandishi wa habari kuhusu mkutano wa Mawaziri wa Kilimo, Mifugo na Uvuvi wa Jumuiya ya Afrika Mashariki ulioketi tarehe 25 Juni 2021 katika ukumbi wa kimataifa wa mikutano wa mjini Arusha (AICC). 

Waziri wa Kilimo Mhe Prof. Adolf Mkenda akisisitiza jambo wakati akizungumza na waandishi wa habari kuhusu mkutano wa Mawaziri wa Kilimo, Mifugo na Uvuvi wa Jumuiya ya Afrika Mashariki ulioketi tarehe 25 Juni 2021 katika ukumbi wa kimataifa wa mikutano wa mjini Arusha (AICC). 

Katibu Mkuu wa Wizara ya Kilimo Ndg Andrew Massawe (Katika) akifuatilia kwa makini mkutano wa Mawaziri wa Kilimo, Mifugo na Uvuvi wa Jumuiya ya Afrika Mashariki uliojumuisha pia wataalamu wa wizara za kisekta tarehe 25 Juni 2021 katika ukumbi wa kimataifa wa mikutano wa mjini Arusha (AICC). 

Sehemu ya wataalamu mbalimbali wa Wizara ya Kilimo wakifuatilia kwa makini mkutano wa Mawaziri wa Kilimo, Mifugo na Uvuvi wa Jumuiya ya Afrika Mashariki ulioketi tarehe 25 Juni 2021 katika ukumbi wa kimataifa wa mikutano wa mjini Arusha (AICC). 

Waziri wa Kilimo Mhe Prof. Adolf Mkenda na Waziri wa Mifugo na Uvuvi Mhe Mashimba Ndaki wakiwa katika picha ya pamoja na wawakilishi wa sekta za kilimo, mifugo na uvuvi wa nchi wanachama wa Jumuiya ya Afrika Mashariki mara baada ya kumalizika kwa amkutano wa Mawaziri wa sekta hizo, tarehe 25 Juni 2021 katika ukumbi wa kimataifa wa mikutano wa mjini Arusha (AICC). 

Na Mathias Canal, Wizara ya Kilimo-Arusha

Mawaziri wa Kilimo, Mifugo na Uvuvi wa Jumuiya ya Afrika Mashariki wamekutana tarehe 25 Juni 2021 katika ukumbi wa kimataifa wa mikutano wa mjini Arusha (AICC ) kwa ajili ya kuweka mikakati ya pamoja ya kuendeleza sekta ya kilimo, mifugo na Uvuvi ikiwa ni pamoja na mambo mengine ya kupambana na nzige.

Kadhalika Mawaziri hao wamejadili na kuweka mikakati ya kuchochea na kuongeza biashara ya mazao na mifugo kwa kupitisha itifaki inayotoa mwelekeo wa namna ya kukagua usalama wa chakula.

Akizungumza mara baada ya kumalizika kwa mkutano huo, Waziri wa Kilimo Mhe Prof. Adolf Mkenda amesema kuwa utekelezaji wa mikakati ya bara la Afrika katika sekta hizo na kuona kiasi kilimo kinachangia maendeleo ya uchumi wa nchi za Jumuiya ya Afrika Mashariki.

“Tanzania ni nchi yenye maslahi makubwa katika mkutano huu kwakuwa ni kapu la chakula katika nchi za Afrika Mashariki hivyo ni sehemu yetu nzuri ya kujenga mazingira ya biashara” Amesema Waziri Mkenda

Pamoja na mambo mengine kikao hicho kimekubaliana kwa kauli moja kuwa na ufuatiliaji na tathmini kwa mambo yote ambayo mikutano kama hiyo imekuwa ikikubaliana.

Waziri Mkenda amesema kuwa mkutano huo umejadili pia kuhusu upatikanaji wa mbolea kwa urahisi kwa wakulima ambapo sera maalumu imewasilishwa kwa ajili ya mapitio kwa nchi hizo zote ili kuwa na juhudi za pamoja ambazo zitapelekea kuweza kupata mbolea kwa bei rahisi katika nchi zote za Afrika Mashariki.

Kuhusu swala la Sumukuvu, Waziri Mkenda amesema kuwa Tanzania na nchi zingine zitaendelea kufuata itifaki za Afrika Mashariki kwani kuna kiwango ambacho kimewekwa na jumuiya hiyo ambacho kinavumilika.

“Hatutaki sisi tumuuzie mtu chakula ambacho kina madhara na kwa bahati nzuri vipimo vinafanyika mipakani na karibia asilimia 99.9999% ya mahindi yanapopimwa yapo vizuri na haya mengine ambayo tunakuta yana utata kidogo ni matatizo ya vipimo, kwa hiyo itifaki ya namna ya kushughulikia swala la sumu kuvu ilikuwepo katika jumuiya ya Afrika Mashariki na tuna wajibu wa kuitekeleza” Amekaririwa Prof Mkenda

Waziri Mkenda ameongeza kuwa Tanzania inalijali swala la Sumukuvu sio kwa sababu serikali inataka kuuza mazao nje bali ni kwa usalama wa wananchi watanzania na nje ya nchi ndio maana kuna mradi mkubwa kuliko nchi yoyote Afrika kwa ajili yakuhakikisha Sumukuvu inaendelea kupunguzwa katika mazao.

17:15

No comments

Read more »

WAZIRI SIMBACHAWENE AHAIDI KUTATUA MGOGORO WA MIPAKA - DODOMA

Waziri wa Mambo ya Ndani ya Nchi Mh. George Boniface Simbachawene  pamoja na Kamishna Jenerali wa Jeshi la Magereza Meja Jenerali Suleiman Mzee wakiwa na Mbunge wa Jimbo la Dodoma Mjini Mh Anthony Mavunde katika ziara fupi ya kukagua mipaka ya Jeshi la Magereza Msalato ambayo inapakana na kata za Mbalawala,Msalato na Makutupora kwa lengo la kutatua migogoro ya ardhi ya maeneo husika.

19:17

No comments

Read more »

MWAKALEBELA ASHINDA KESI-TFF

 

18:26

No comments

Read more »

Mhe.RAIS WA JAMHURI YA MUUNGANO WA TANZANIA SAMIA SULUHU HASSAN AONGOZA KIKAO CHA BARAZA LA MAWAZIRI -DODOMA

Rais wa Jamhuri ya Muungano wa Tanzania Mhe. Samia Suluhu Hassan, akiongoza Kikao cha Baraza la Mawaziri kilichokutana leo Juni 24,2021 Ikulu Chamwino Dodoma.

18:23

No comments

Read more »

WADAU WATAKA UWIANO WA KIJINSIA KWENYE USAJILI WA VYOMBO VYA HABARI.

Na Mwandishi Wetu- MAELEZO

Juni 23,2021

Wadau wa kupigania haki za Waandishi wa Habari Wanawake wameishauri Wizara ya Habari, Utamaduni, Sanaa na Michezo kupitia Idara ya Habari-MAELEZO, kuweka kipengele cha uwiano wa kijinsia kwenye uongozi kuwa ni sehemu ya masharti ya usajili wa vyombo hivyo.

Wadau hao pia wamependekeza kuwepo kwa dawati la jinsia katika Idara ya Habari-MAELEZO litakalosimamia uwiano wa kijinsia kwenye vyombo vya habari na kubainisha kuwa madawati yaliyopo kwenye wizara na taasisi za serikali kutofanya kazi zilizokusudiwa.

Wadau hao wamesema vyombo vingi vya habari havijazingatia uwiano huo hatua inayowanyima haki Waandishi wa kike na wakati mwingine kusababisha ukatili wa kijinsia.

Wameyasema hayo mkoani morogoro katika mkutano wa siku nne wa kupanga mradi wa kuimarisha nafasi ya vyombo vya habari katika kukabiliana na ukatili dhidi ya Wanawake na Watoto ulioandaliwa na Shirika la Umoja wa Mataifa la Elimu, Sayansi na Utamaduni (UNESCO) kwa kushirikiana na Wizara ya Habari, Utamaduni, Sanaa na Michezo Wizara ya Afya, Maendeleo ya Jamii, Jinsia, Wazee na Watoto na Wadau wa kupigania haki za Wanawake na Watoto.

"Tunaiomba Wizara ya Habari, Utamaduni Sanaa na Michezo kupitia Idara ya Habari-MAELEZO, kuweka kipengele cha uwiano wa kijinsia kuwa ni cha lazima kwenye usajili wa vyombo vya habari, hii itasaidia kuongeza Waandishi wa habari wa kike wengi kwenye uongozi, na tutaondokana na ukatili wa kijinsia kwenye Vyombo hivyo" amesema Bw. John Ambrose kutoka Chama cha Waandishi wa Habari Wanawake TAMWA.

Nae Mkuu wa Idara ya Jinsia wa Wizara ya Afya Bi Regina Mollel amesema ni muhimu kwa kila chombo cha Habari kuwe na dawati la Jinsia na kuiomba Idara ya Habari-MAELEZO kufuatilia suala hilo.

Mjadala wa Wadau hao kuhusu uwiano uanzie kwenye usajili umeibuka mara baada ya Afisa Habari Mkuu wa Wizara hiyo Kutoka Idara ya Habari-MAELEZO Bi Ingiahedi Mduma kuwasilisha mada kuhusu nafasi ya Wizara katika kukabiliana na ukatili wa kijinsia kwenye vyombo vya habari.

"Wizara imekua ikifanya jitihada za kuhakikisha ukatili wa kijinsia unakomeshwa kwa kutoa elimu kwa viongozi na Waandishi, na pia tunawataka wasisite kutoa taarifa endapo mtu atanyanyaswa ili tuzifanyie kazi, taarifa hizi ni siri kati ya Wizara na mtoaji taarifa" amesema Bi. Mduma wakati akitoa mada hiyo.

Mkurugenzi Msaidizi Usajili upande wa Idara ya Habari-MAELEZO Bw. Patrick Kipangula amesema wazo hilo la kuanzisha dawati la jinsia kwenye Idara hiyo ni zuri na kwamba litafanyiwa kazi kwa kuangalia uwezekano wa kuliingiza kwenye marekebisho ya mapitio ya kanuni.

"Ni wazo zuri, tumelipokea tutalifanyia kazi amesema Bw. Kipangula.

13:45

No comments

Read more »

RAIS SAMIA SULUHU HASSAN AREJEA NCHINI AKITOKEA MAPUTO, BAADA YA KUHUDHURIA MKUTANO WA DHARURA

Rais wa Jamhuri ya Muungano wa Tanzania Mhe. Samia Suluhu Hassan, akisalimiana na Viongozi mbalimbali wa Serikali alipowasili katika Uwanja wa Ndege wa Dodoma leo  Juni 23,2021, akitokea Maputo Nchini Msumbiji  alikohudhuria Mkutano wa Dharura wa Wakuu wa Nchi na Serikali wa Nchi  Jumuiya ya Maendeleo Kusini mwa Afrika SADC. 

Ambapo kwenye Mkutano huo SADC imeridhia kuanzishwa kwa Kituo cha Haki za Binaadamu kitakachosaidia Nchi zinazokabiliwa na Athari za mabadiliko ya Tabia Nchi, kuweza kukabiliana na Janga la Covid 19 pamoja na kuangalia jinsi gani SADC itaweza kupambana na suala la Ugaidi.

13:10

No comments

Read more »

RAIS SAMIA SULUHU HASSAN AHUDHURIA MKUTANO WA DHARURA WA WAKUU WA NCHI SADC

 

Rais wa Jamhuri ya Muungano wa Tanzania Mhe. Samia Suluhu Hassan, akishiriki Mkutano wa dharura wa Wakuu wa Nchi na Serikali wa Nchi Jumuiya ya Maendeleo Kusini mwa Afrika SADC uliofunguliwa Leo Juni 23,2021 Jijini Maputo Nchini Msumbiji.

16:15

No comments

Read more »